Retos do século XXI: resistencia ambiental e innovación docente

Baixo os nosos pés hai un universo invisible cheo de vida. Os microorganismos do solo non só sosteñen os ecosistemas, senón que tamén inflúen na saúde global. Nesta charla descubriremos como o solo participa na aparición e propagación da resistencia aos antibióticos, un dos grandes desafíos actuais, e que solucións se están a investigar desde a microbioloxía do solo.

A Formación Dual está en expansión na universidade española, pero implica coordinar o ámbito académico e o profesional. Analizaremos as condicións e como se titorizan estas prácticas. Teñen presenza ferramentas como os ePortafolios, as eRúbricas ou as videoanotacións para mellorar o seguimento, a comunicación e a avaliación?, que riscos e oportunidades xorden ante o impacto da intelixencia artificial? estamos preparados para asumir os novos retos?