Espectroscopía nos arquivos

Sabías que a luz pode dicirnos de que está feito un alimento sen abrilo nin probalo? A espectroscopía aproveita a interacción da luz coa materia para descubrir que hai dentro das cousas, incluso empregando luz que non vemos. Nesta charla veremos como cada alimento deixa a súa propia “pegada luminosa” e como estas técnicas permiten controlar procesos industriais, evitar erros e mellorar o que comemos. Falaremos, entre outras cousas, do que leva a túa consumición mentres a tomas. Ciencia cotiá, útil e contada con exemplos sinxelos.

Coa irrupción da IA, distintos sectores profesionais están a facer un traballo de estudo e reflexión do seu impacto analizando non só os riscos e problemas éticos que entraña senón tamén a transformación e as oportunidades de mellora que proporciona. Este repensar o que somos e facemos para afrontar os retos tecnolóxicos e situarnos profesionalmente cara o futuro, tamén se está a facer nos arquivos con cuestións sobre como debe adaptarse a profesión, que podemos aportar á nova administración algorítmica e de que modo podemos empregar esta tecnoloxía para ofrecer un mellor servizo público.