Día 3 Pint of Science Carballo

¿Como nos achegamos dende as ciencias sociais a pensar sobre o turismo? Falaremos da construción social do patrimonio, das diferenzas que existen entre “poñer en valor” e “dar valor”. Reflexionaremos sobre a estreita e contraditoria relación entre cultura e turismo e debateremos sobre a autenticidade e a escenificación turística dos elementos patrimoniais. Tamén se tratará de responder, desde a perspectiva sociolóxica, a preguntas como: ¿existen diferenzas entre viaxeiros e turistas? Ou ¿por que a nova obsesión de “vivir como locais” as experiencias turísticas?

Nesta charla exploraremos os avances e desafíos da intelixencia artificial, desde a súa orixe nos anos 50 ata as aplicacións máis modernas na actualidade. Tamén consideraremos algúns dos desafíos éticos e sociais que expón a IA e como podemos abordalos para maximizar os seus beneficios e minimizar os seus riscos. Únete a nós para desentrañar os misterios da IA e aprender por que aínda non debemos temer aos nosos amigos robots!

O concepto do "xénero", entendido como “rol social”, entrou no ordenamento xurídico internacional e nacional. O Dereito penal non é unha excepción, de forma que desde, significativamente, o ano 2004, déuselle un papel protagonista na redacción dos textos xurídico-penais nacionais. Así as cousas, na charla proposta tentarase dar resposta ás preguntas:¿ como se incorporou este concepto nesta rama do Dereito?. ¿Que cambios introduciu na lexislación penal española? ¿É necesaria a implementación da perspectiva de xénero no dereito penal?