Datos, Mandos e Dentes Afiados

Nesta charla falaremos de como as matemáticas e a estatística axudan a transitar por realidades complexas con menos incerteza. Desde o estudo de incendios forestais ou terremotos ata o día a día nunha Aula Hospitalaria, veremos como o pensamento matemático aparece onde menos o esperamos e se converte nun aliado para detectar patróns, tomar decisións e mellorar a nosa contorna. Unha charla amena para descubrir que as matemáticas conectan datos con persoas, e fórmulas con historias reais.

A gamersofía propón unha mirada filosófica ao videoxogo como territorio simbólico onde se ensayan formas de comprensión do mundo, do eu e da acción humana. Máis alá do entretemento, os videoxogos son laboratorios de decisión, ética e sentido.

A charla fai un breve repaso pola diversidade pasada, orixe e evolución dos cocodriliformes en comparación coa biodiversidade actual. Descríbense os récords dos máis grandes, o máis pequeno, os máis raros e os máis especializados. A continuación fálase do rexistro fósil de Europa ata a súa desaparición. Finalmente, divúlganse os proxectos do grupo BIOpast da UDC, os seus métodos e obxectivos.