#Pint26CAR: AXOBER

AXOBER: dinamizador do emprendemento e do tecido empresarial en Bergantiños

AXOBER é unha das asociacións de empresarios e empresarias de referencia na comarca de Bergantiños que leva máis de tres décadas traballando no desenvolvemento empresarial.

Fundada en 1992, AXOBER - Asociación de Empresarios de Bergantiños - naceu co obxectivo de ser un punto de encontro para as empresas locais, favorecendo a colaboración e o crecemento conxunto. Na actualidade, AXOBER está formada por máis de 200 empresas de diferentes sectores e está consolidada como un dos principais axentes dinamizadores da comarca de Bergantiños.

Entre os principais servizos que ofrece AXOBER destacan:

• Formación especializada, con cursos, seminarios e xornadas adaptadas ás necesidades reais das empresas.

• Asesoramento integral, en ámbitos como o laboral, fiscal ou contable, facilitando a toma de decisións.

• Networking, creando espazos de encontro para xerar sinerxías e oportunidades de negocio.

• Promoción e visibilidade, dando difusión ás empresas asociadas a través de distintos canais.

• Emprego, conectando talento e empresas mediante iniciativas específicas.

Estas accións permiten ás empresas e ás persoas emprendedoras contar con apoio constante nun entorno competitivo e cambiante como o actual.

Un dos piares fundamentais de AXOBER é a organización de actividades que fomentan o coñecemento e a actualización profesional. Xornadas sobre ciberseguridade, encontros empresariais ou eventos centrados en oportunidades de negocio son só algúns exemplos da súa programación máis recente.

No pasado mes de marzo, AXOBER reuniu a preto de 80 empresas nunha xornada centrada na expansión ao mercado portugués, demostrando o interese das empresas por internacionalizarse e explorar novas vías de crecemento.

Mirando ao futuro